组合农夫成员C君日前宣布向DJ女友*天颐求婚成功，今日*天颐现身活动时表示两人会于今年底结婚：“唔想太急，因为听人讲好多嘢要筹备。”
问到男友求婚时，她可有感动到喊？她坦言：“一开始我冇喊，但见到佢眼湿湿，我就忍唔住喊。我都有啲估唔到，平时佢口才好过我，但求婚时口窒窒，而且拍拖咁耐好少见佢喊，所以令我有啲惊讶，原来真系会咁激动。”
至于生育大计，天颐称暂未有打算，扬言自己较传统，会婚后才造人，对于有网友称C君患有地中海贫血症，不宜生小朋友，但她不表认同。
她说：“其实依家嘅科技系可以预先检查BB系咪有呢个病，而且我哋都想讲畀大家知，有呢个病唔代表人生就此玩完，C君就系一个例子，虽然佢有地中海贫血症，但都可以为大家带来欢乐。”
预览时标签不可点收录于话题#个上一篇下一篇